Lauren Powell Jobs, e veja e themeluesit të ‘Apple’ Steve Jobs dhe gjithashtu presidente e ‘Emerson Collective’ ka blerë shtëpinë më të shtrenjtë në historinë e San Franciskos. Powell Jobs shpenzoi 70 milionë dollarë për një rezidencë me pamje panoramike të urës Golden Gate.
Ajo bleu pronën në Pacific Heights, që gjendet mes shtëpive në pronësi të miliarderit të ‘Oracle’, Larry Ellison dhe dizajnerit të ‘Apple’, Jonathan Ive.Pronarët e kësaj shtëpie ishin Sloan Lindemann Barnett, vajza e një miliarderi dhe Roger Barnett, i cili drejton një prodhues të suplementeve shëndetësore.
Ata fillimisht deshën t’ia shisnin për më shumë se 100 milionë dollarë, sipas burimeve pranë marrëveshjes. Siç raportohet ata e kishin blerë pronën për 33 milionë dollarë në vitin 2011. Rezidenca, e ndërtuar në vitin 1916, shtrihet afërsisht 1,579 metra katrorë. Në vitin 2020, shtëpia u përshkrua si një pallat i Rilindjes Spanjolle “i mbështjellë rreth një oborri dykatësh të kurorëzuar me një çati të madhe xhami”, nga ‘Architectural Digest’.
Laurene Powell Jobs, ka një pasuri neto prej 10 miliardë dollarësh përmes sukseseve të burrit të saj të ndjerë dhe sipërmarrjeve të saj të biznesit. Pas vdekjes së Steve Jobs nga kanceri në vitin 2011, Laurene u emërtua një nga gratë më të pasura në botë.
