Bebe Rexha po kalon një situatë të sikletshme për sa i përket pamjes së saj pasi shumë ndjekës sidomos në rrjete sociale e kanë ofenduar në mënyra të ndryshme për kilet e tepërta. Kjo nuk është hera e parë që Bebe Rexha përballet me bullizëm, por jo në të tilla nivele. Bebe nuk ka ndërmend të dorëzohet, së fundmi ajo ka publikuar foto dhe video nga vizita dhe performanca në Francë, duke lënë të kuptohet se kritikat që lidhen me trupin e saj nuk e shqetësojnë fare. Këtë herë ka qenë edhe Demi Lavato ajo që i ka komentuar Bebes në foton e postuar. “Ti je e mrekullueshme, e fortë, origjinale dhe një inspirim për mua dhe shumë të tjerë. Faleminderit që je vetja dhe je kaq femër e bukur. Të dua”,-ka komentuar Lavato në një nga fotot.
