Trajneri Leonid Slutsky ka dhënë dorëheqje nga Rusia pas eliminimit nga Euro 2016
Rusia ka mbetur pa trajner pas eliminimit nga Euro 2016. Trajneri i saj, Leonid Slutsky ka ofruar dorëheqjen pas humbjes nga Uellsi, me rezultat 3:0, e cila i kushtoi edhe me eliminim nga Kampionati evropian.
“U kërkoj falje tifozëve për paraqitjen në Europian, federata duhet të kërkojë një trajner të ri për Botërorin 2018”, ka deklaruar Slutsky.
“E vetmja gjë që mund të bëj është që të kërkoj falje ndaj tifozëve që na kanë mbështetur. Na vjen shumë keq sepse nuk arritëm të plotësonim asnjë pritshmëri duke u larguar me kokën ulur nga europian. Skuadra zhgënjeu në organizim sepse nuk ka qenë asnjëherë e ekuilibruar”, përfundoi Slutsky.
