Zinedine Zidane, trajneri i Real Madrid: “Paris SG është një ekip i madh dhe që di të performojë si duhet në takime të këtij niveli. Ndoshta nuk kanë shkuar aq larg sa të gjithë kanë menduar, por tashmë kanë fituar eksperiencë dhe kanë cilësi të jashtëzakonshme. Të kesh në skuadër lojtarë si Mbappe dhe Neymar do të thotë shumë. Ata janë ndër kundërshtarët më të vështirë që mund të kesh dhe një sprovë që duhet kaluar patjetër, nëse duam të shkojmë larg. Për ne, kjo sfidë është e rëndësisë së veçantë, pasi me atë që ndodhi në sezonin e kaluar, jemi ne ata që duhet të tregojnë veten. Nuk duhet të mendojmë për triumfet në vitet e kaluara. Gjëra duhen marrë hap pas hapi dhe kjo ndeshje kundër PSG do të thotë shumë për ne. Kemi afruar disa lojtarë të shkëlqyer, por që duan kohën e tyre. Hazard është një lojtar plot pasion dhe dëshirë, ndaj jam i sigurt se brenda pak kohësh do u provojë të gjithëve vlerat e tij.”
Raphael Varane, mbrojtës i Real Madrid: “Do të jetë interesante të përballemi sërish me ta. Janë bërë edhe më të fortë se herën e fundit që jemi ndeshur, por edhe ne kemi pësuar ndryshime të shumta. Mendoj se jemi përgatitur si duhet dhe të gjithë në skuadër kanë treguar dëshirën për ta nisur sa më mbarë këtë sezon në ‘Champions League’. Do të jetë një mision i vështirë, por i kemi cilësitë për të marrë rezultatin që duam.”
