Nick Woltemade do të largohet nga Stuttgart që ra dakort me Newcastle United për një shifër që mund të arrijë 90 milionë eurot. 23 vjeçari ndërpreu stërvitjen dhe po diskuton termat personalë të kontratës. Anglezët ranë dakort për një shifër të garantuar prej 85 milionë euro, plus 5 milionë të tjera bonuse. Marrvëshja mes klubeve u arrit të enjten gjatë shortit të “Champions League” në Monaco. Në këtë mënyrë ai bëhet lojtari më i shtrenjtë që largohet nga Stuttgart duke thyer rekordin e mbajtur nga Benjamin Pavard që u transferua për 35 milionë euro te Bayern. Woltemade ka mbërritur në Angli dhe sot do të kryesojë vizitat mjekësore dhe më pas do të firmosë për “Magpies’. Pas interesimit nga Bayern Munich që nuk ra dakort me kërkesat e Stuttgart, anglezët nuk humbën kohë dhe sulmuesi i Gjermanisë U21, largohet vetëm pas 1 sezoni nga Stuttgart. Në 2024, Woltemade u transferua nga Werder Bremen në parametra zero dhe pas 6 muajsh të vështirë ai shënoi 12 gola në 28 ndeshje në Bundesliga dhe u grumbullua nga Nagelsmann te Gjermania. Me 21 vjeçarët ai u shpall nënkampion i Evropës dhe Shënuesi më i Mirë me 6 gola. Gjithashtu ndihmoi Stuttgart të fitonte edhe Kupën e Gjermanisë.
