Manchester City ka siguruar një vend në fazën tjetër të ‘UEFA Champions League’, pasi dhuroi një spektakël golash në shtëpi ndaj Leipzig. Pikërisht lojtari që ishte kritikuar disi për formën e tij së fundmi mori gjërat nën kontroll për ‘cityzens’, që me rezultatin 7-0, kanë barazuar rekordin e tyre me fitoren me të thellë në këtë kompeticion. Po ashtu, kjo është humbja e dytë më e thellë për ekipet gjermane, pasi edhe në rastin e parë, në vitin 2019, Manchester City mposhti më të njëjtin rezultat skuadrën e Schalke-s.
Erling Haaland ishte njeriu që mori vëmendjen në stadiumin ‘City of Manchester’, duke shënuar plot 5 herë në kuadratin e mbrojtur nga Janis Blasëich. Norvegjezi shënoi një tripletë brenda pjesë së parë, ndërkohë që në fraksionin e dytë të lojës, veç tij, rrugën e rrjetës e gjetën edhe Ilkay.
Gundogan dhe Kevin De Bruyne. Në moshën 22 vjeç e 236 ditë, Haaland është lojtari më i ri në moshë që arrin kuotën e 30 golave në karrierë në ‘Champions League’. Shtatlartit i janë dashur vetëm 25 ndeshje për ta realizuar një gjë të tillë, duke u bërë unik në këtë aspekt. Gjithashtu, ai tani numëron 5 ndeshje në të gjitha kompeticionet të këtij sezoni ku ka realizuar të paktën 3 gola, më shumë se çdo lojtar tjetër në ligat kryesore të kontinentit. 22-vjeçari është i pari lojtar nga ‘Premier League’ që numëron të paktën 5 tripleta brenda të njëjtit sezon që nga 2016/2017, kur diçka të tillë e realizonte Harry Kane. Ndërkohë që emri i tij do vendoset tashmë krah atyre të Lionel Messi-t dhe Luiz Adriano-s, si të vetmit lojtarë në historinë e ‘Champions League’-ës, që kanë shënuar 5 gola brenda së njëjtës ndeshje, me Haaland dhe Messi-n që diçka të tillë, e kanë realizuar në fazën me eleminim direkt.
