Mauricio Pochettino (Trajneri i Tottenham)
Është një shans i mirë për ne që të luajmë me kujdes dhë të vazhdojmë për në raundin tjetër të një kompeticioni kaq të rëndësishëm. Sot luajmë një ndeshje të vështirë. Duhet të harrojmë rezultatin e ndeshjes së parë dhe të bëjmë lojën tonë. Ata do të provojnë të luajnë shanset e tyre dhe kanë të gjitha cilësitë për të besuar në një rezultat pozitiv. Mendoj se rëndësi të veçantë ka mënyra se si do ta nisim ndeshjen. Duhet të jemi agresivë dhe të luftojmë për topin dhe kontrollin e lojës që në fillim. Nëse do t’i lejojmë të luajnë në mënyrën e tyre, atëherë Dortmundi mund të na hapë telashe të cilat as nuk duam t’i mendojmë. Kemi dëshirën për të vazhduar më tej pasi e dimë që kemi ende shumë për të dhënë. Jemi në pozita të mira dhe thjesht na duhet të kontrollojmë si duhet situatat apo episodet delikate që do të hasim gjatë kësaj ndeshje.
Ben Davies (Mbrojtës i Tottenham)
Do të jetë një tjetër ndeshje e vështirë jashtë fushe dhe duhet të jemi të përgatitur për çdo gjë. Kemi luajtur edhe më parë në atë stadium dhe e di se kanë një tifozeri fantastike. Kryesojmë 3-0 dhe të gjithë presin që ne të vazhdojmë punën e nisur në ndeshjen e parë. Por duhet të bëjmë kujdes pasi në këtë fazë, askush nuk dorëzohet kollaj. Luajëm kundër një nga skuadrave më të mira, prandaj duhet të jemi të kujdesshëm ndaj kualiteteve të tyre. Nuk mendoj se skuadra është e vetëkënaqur nga rezultati i ndeshjes së parë. Jemi njësoj të përqëndruar dhe të përgatitur për këtë takim, pasi e dimë se vlen vërtet shumë.
