Mauricio Pochettino (trjaneri i Tottenham): Do të luajmë një takim mjaft delikat. E kemi të qartë rëndësinë e kësaj ndeshjeje, ndaj na duhet të luajmë me prgjegjësi. Duhet të jemi të vendosur për të arritur objektivat që i kemi vënë vetes, pavarësisht se përballë kemi një kundërshtar shumë të fortë, që mund t’i duhet thjesht të menaxhojë ndeshjen.Dele Alli është nga ata lojtarë që i pëlqen të luajë në kompeticione të mëdha dhe është nga ata djem që mërzitet shpejt dhe nuk e ndjen shumë presionin. Sa i përket Veronghen, ai ka punuar shumë për t’u rikuperuar dhe mund të them se është gati.
Luciano Spalleti (trajneri i Inter): Entuziasmi që të sjell kualifikimi në Champions League është diçka unike. E kemi pritur prej vitesh këtë ndeshje, prandaj jemi të përgatitur për të dhënë gjithçka, vetëm e vetëm që të arrijmë rezultatin që duam. Të luash në “ëembley” është një pretigj që jo çdokush e ka, është si një monument për futbollin. E dimë se me çfarë atmosfere mund të na duhet të përballemi, por në nivele të tilla, diçka e tillë është mëse e pritshme. Inter ka krijaur identitetin e vet dhe nuk kemi pse ndryshojmë mënyrën e të luajturit, pavarësisht rrethanave. Besoj se skuadra është përmirësuar ndjeshëm, aq sa për të pretenduar gjëra të mëdha. Na duhet përqëndrim askimal gjatë 90 minutave, pasi tek rivalët tanë ka lojtarë që mund të bëjnë diferencën.
