Rui Vittoria (Trajner i Benfica): “Në aspektin sulmues, Ajaksi është skuadër me shumë dinamika, por edhe neve kemi ambicjet tona. Gjithsesi, cilësia nuk mungon si te skuadra jonë, ashtu edhe tek holandezët. Besoj se diferencën do ta bëjnë detajet dhe duelet direkte. Prandaj duhet të përqendrohemi maksimalisht tek ndeshja. Mbi të gjitha duhet të mbrojmë, duke bllokuar lojtarët e tyre sulmues, si dhe nga ana tjetër të përpiqemi të ndërtojmë lojën tonë kur kemi topin, duke kërkuar t’i krijojmë probleme Ajaksit”.
Andre Almeida (mbrojtës i Benfica): “Kundërshtarët tanë janë ekip që luajnë futboll shumë sulmues dhe kanë lojtarë me vlera. Prej një jave përgatitemi për këtë ndeshje dhe do të bëjmë gjithcka për të fituar. Jemi në një moment të mirë, prandaj duhet të dimë ta shfrytëzojmë më së miri. Kjo ndeshje me Ajaksin vendos shumë në lidhje me të ardhmen tonë në Champions League. Për këtë arsye na duhet të bëjmë lojën tonë sulmuese, me shpresën që të na buzëqeshë fitorja”.
