Kryesuesit e Serie A vinin nga 5 fitore të njëpasnjëshme, ndërsa një tjetër fitore, do ta bënte skuadrën e Antonio Contes, ndoshta, pretendenten e parë për titullin kampion. Mirëpo, vizitorët nga Bergamo, i bënë një surprizë të hidhur jugorëve të Italisë. Dueli i luajtur në Diego Armando Maradona përfundoi 3-0 për Atalantës, që edhe një herë tjetër i ka dhënë leksion futbolli një tjetër ekipi më të madh se vetja. Në 31 minutat e para, vendasit e panë veten në disavantazhin e dy golave të shënuar nga Lookman, kurse tjetrin e realizoi Retegui në fundin e sfidës. Lookman, është bërë lojtari me më shumë gola dhe asiste përgjatë vitit 2024 në Serie A, 27 në total, nga të cilat, 16 janë finalizime, kurse 11 të tjera pasime vendimtare. Kësisoj, zikaltërit nga Bergamo, kanë shkuar në kuotën e 5 fitoreve të njëpasnjëshme në kampionat, duke u kthyer kësisoj në skuadrën më në formë të moemntit me 5 fitore radhazi, bashkë me Fiorentinën, e duke hedhur përfundimisht pas vetes dritëhijet e javëve të para të sezonit. Falë kësaj forme, Atalanta është ngjitur në vendin e 3 në kuotën e 22 pikëve, vetëm 3 më pak sesa Napoli kryesues
