Diego Simeone, trajneri i Atletico Madrid:
“Përballemi me një skuadër të mrekullueshme si ajo e Liverpool-it, që stërvitet nga një trajner që bën diferencën. Ai di të luajë me kundërsulme, bën skuadër që zotërojë topin dhe janë shumë të fortë në luftën në ajër. Të gjithë menduan se pas largimit të Coutinhos ata do të dobësoheshin, por rezultoi e kundërta. Kjo tregon qartë se çfarë skuadre kanë ndërtuar. Nuk kam dyshime që ky Liverpool që shohim sot do të jetë në histori si një nga skuadrat më të mira. Për më tepër, ata më duken krejt ndryshe nga të gjitha ekipet që kemi admiruar më parë. Kritikat janë nevojshme dhe na ndihmojnë të përmirësohemi. Tani kemi një kundërshtar shumë të fortë përpara nesh. Luajmë në stadiumin tonë dhe sigurisht që kjo do të na ndihmojë vërtet shumë, por të njëjtën mbështetje të tifozëve pres të ketë edhe Liverpooli në ‘Anfield’. Gjithësesi, në futboll mund të ndodhë çdo gjë. Tek djemtë kam parë optimizëm dhe dëshirë. Për mua, kjo është mjaft e rëndësishme.”
Jan Oblak, portier i Atletico Madrid:
“Liverpooli është padyshim favoriti kryesor për të marrë trofeun, prandaj e dimë se çfarë kundërshtari kemi përballë. Na presin sfida shumë të vështira ndaj tyre, por mendoj që duhet t’i marrim ndeshjet njëra pas tjetrës. Sot luajmë përpara publikut tonë, çfarë mund të jenë një shtysë e madhe për ne për të bërë mirë. Pavarësisht telasheve që kemi kaluar, i kemi të gjitha aftësitë për të bërë paraqitje të mirë dhe për të marrë rezultatin që duam. Të gjithë jemi të motivuar dhe trajneri na ka përgatitur edhe detajet e kësaj sfide. Duhet të qëndrojmë me ‘këmbë në tokë’, pavarësisht gjërave që ndodhin në fushë. Nëse e ruajmë përqëndrimin gjatë gjithë 90 minutave, atë herë jam i sigurt se do të marrim rezultatin që dëshirojmë.”
