Ruben Loftus-Cheek është goditja e parë e Milanit për këtë merkato verore, me mesfushorin anglez që pritet të ketë një rol të rëndsishëm në mesfushën kuqezi gjatë sezonit të ardhshëm. Ndërkohë drejtuesit vazhdojnë të interesohen për të tjera afrime me peshë, me synimin që të jetë njëkohësisht edhe një investim për të ardhmen. Duke iu referuar mediave italiane dhe atyre spanjolle, kuqezinjtë kanë nisur zyrtarisht tratativat për të firmosur me mesfushorin e talentuar të Valencias, Yunus Musah. 20-vjeçari amerikane ka bërë paraqitje mjaft të mira në aspektin personal, si në radhët e klubit spanjoll, edhe tek pëfaësuesja e Shteteve të Bashkuara, duke fituar kështu edhe vëmendjen e disa klubeve të mëdha. Ai ka një kontratë deri në qershorin e 2025-ës me Valencian dhe gjasat për një rinovim janë të pakta. Në anën tjetër, drejtuesit e klubit spanjoll janë të detyruar të bëjnë shitje të rëndësishme gjatë kësaj vere, për shkak të situatës jo të mirë financiare dhe Milani kërkon të përfitojë. Valencia pretendon rreth 30 milionë euro për kartonin e Musah, çfarë konsiderohet një shifër e lartë nga ana e italianëve, që gjithësesi janë besimplotë se mund të gjejnë një marrëveshje. Në të njëjtën kohë, klubi kuqezi vijon punën edhe për holandezin Tijjani Reijnders. Së fundmi raportohet se ka një akord verbal mes 24-vjeçarit që luan me AZ Alkmaar dhe klubit të Milanit, që tashmë do të duhet të bindin drejtuesit holandezë rreth çmimit të kartonit të Reijnders.
Sa i përket sulmit, Furlani e Moncada janë të bindur se afrimi i duhur për Stefano Piolin në krahun e djathtë do të ishte Samuel Chukwueze. Villarreal vijon të kërkojë 40 milionë euro për 24-vjeçarin. Nigeriani e ka shprehur dëshirën për të luajtur në një skuadër të madhe në sezonin e ardhshëm, teksa kërkon të provojë emocionet e ‘UEFA Champions League’-ës. Milani mund t’ja garantojë këtë gjë, së bashku me një rol të rëndësishëm në formacionin titullar, por transferimi i tij mbetet i komplikuar, nëse tek Valencia nuk ulin pretendimet e tyre.
