Cristiano Ronaldo dhe partnerja e tij Georgina Rodriguez kanë vijuar pushimet pas fitores së tretë radhazi, që Juve arriti të shtunën ndaj Parma, në Seria A. Ata janë parë sërish duke u relaksuar në një jaht luksoz, në brigjet italiane. Ronaldos i mungon goli në Seria A, ndonëse Juventus i ka bërë një nisje të mirë këtij kampionati, megjithatë mungesa e golit duket se nuk e shqetëson yllin portugez.
Mirëpo kësaj here vëmendja ka kaluar nga partnerja e tij Georgina Rodriguez. Në programin “Save me” në Mediaset, thuhej se Georgina ka harruar familjen e saj, që nga koha kur ka filluar që të dalë me Ronaldon, në veçanti me gjyshen dhe babanë e saj, të cilët janë shumë sëmurë. Menjëherë pas publikimit të këtij lajmi, Cristiano Ronaldo ka hedhur në gjyq median ku kërkon përgënjeshtrimin e lajmit, por gjithashtu edhe ndërprerjen e investigimeve për familjen e të dashurës së tij, pasi mësohet se TV e kishte marrë shumë seriozisht të mësonte shumë më shumë për të afërmit e Georginas.
