“Nuk do të ketë ndonjë surprizë në taktikën tonë. Do luajmë ashtu sikurse bëjmë gjithmonë, duke u përpjekur të krijojmë intensitet dhe shpejtësi, ndaj një skuadre me plot kualitet, që po ashtu di të shfaqet mjaft e rrezikshme në aspektin sulmues.
Kemi punuar fort për të mbërritur në këtë raund të kompeticonit, e për më tepër që u kualifikuam nga një grup mjaft i vështirë. Duam të luajmë ende në nivelin tonë më të lartë dhe këtë do përpiqemi ta tregojmë sonte në fushën e gjelbërt.
Club Brugge? Është e vërtetë që kundërshtari ynë po kalon një moment të komplikuar sa i përket rezultateve, por eksperienca ime më thotë se çfarë ndodh në kompeticionet e tjera, nuk transferohet edhe në Champions League. Të mos harrojmë se Brugge ishte në një grup me Atleticon dhe Porton, e në fund, ia doli të kualifikohej. Ata e meritojnë tërësisht të jenë këtu, ndërsa kualiteti i tyre individual është diçka që nuk ka nevojë për shumë koment.”
