Artur Jorge, trajneri i Bragas:
“Performancat në ndeshjet tona përgjatë kohëve të fundit kanë ardhur në rritje dhe kjo është për t’u vlerësuar, pasi na motivon të punojmë dhe të përmirësohemi më shumë. Megjithatë, performanca jonë pozitive në ndeshjen e fundit ndaj Real Madrid, u përkthye në zero pikë. E përsëris që jemi krenarë me atë se çfarë bëjmë në fushën e lojës, por duhet të përmirësohemi akoma më tepër dhe i dimë vështirësitë që kemi përpara.
E rëndësishme është që çdo ndeshje që luajmë të na kthehet në eksperiencë dhe të mësojmë nga gabimet që bëjmë. Nga sfida e vajtjes kemi nxjerrë disa mësime dhe uroj të kemi mësuar sa më shumë, për mënyrën sesi duhet t’i qasemi sfidës këtë mbrëmje të sotme.
Natyrisht që e dimë mirë se kemi ardhur në një stadium historik dhe në një terren të komplikuar për të luajtur futboll, por ne nuk do të dorëzohemi dhe do të provojmë të dalim me pikë nga kjo sfidë.”
Victor Gomez, mbrojtësi i Bragas:
“Për mua është një rikthim në Spanjë dhe kjo e bën këtë sfidë gjithmonë e më të veçantë. Skuadra e di mirë se si duhet të sillet në fushën e lojës. Jemi gati. Do të vijmë me shumë dëshirë në këtë ndeshje dhe me synimin për t’u rikthyer me tre pikë në shtëpinë tonë.
Asnjë skuadër portugeze nuk ka fituar dot në fushën e Real Madrid dhe ne duam ta thyejmë këtë rekord të tyre.
Vinicius? Unë besoj se ai është një lojtar i jashtëzakonshëm dhe që kërkon të jetë gjithmonë në nivelin maksimal, si në aspektin individual, gjithashtu edhe atë kolektiv. Sa i përket provokimeve ndaj tij, çdo lojtar ka mënyrën e tij të reagimit.
Në aspektin individual, unë uroj të zhvilloj një ndeshje të kënaqshme dhe në fund, shpresoj të dalim me pikë nga një stadium si “Santiago Bernabeu”.”
