11 muaj pas finales së madhe në Cardiff, Juventus dhe Real Madrid rigjejnë njëra-tjetrën në Champions League, kësaj radhe në sfidën e dyfishtë të fazës çerekfinale. Dy skuadrat finaliste të edicionit të kaluar do të përplasin edhe njehere forcat me njëra-tjetrën, ku Juventus do të ketë mundësinë të marrë revanshin e asaj humbjeje 4-1, rezultat që i dha trofeun “los blancos”.
Juventus vjen në këtë sfidë pas fitores së vështirë ndaj Tottenham, që në fazën e grupeve, pati mundur Realin e Madridit. Kampionët në fuqi nga ana e tyre kanë lënë pas spekulimet për një krizë të mundshme, duke eleminuar një nga favoritët kryesorë si PSG.
Dy skuadrat numërojnë 19 përballje mes tyre në arenën europiane, ku madrilenët kanë dalë fitues në 9 raste, vetëm 1 më shumë se bardhezinjtë nga Torino. Vetëm në 2 raste, sfida ka përfunduar në barazim, duke premtuar kështu spektakël të vërtetë në 3 dhe 11 prill.
