Peter Bosz, trajneri i PSV:
“Sonte do të zbresin në fushë, ata lojtarë, të cilët janë në gjendjen e tyre më të mirë fizike. Kjo do të thotë se nuk do të ketë shumë ndryshime në formacion, ndonëse edhe ata që janë në stol, e meritojnë një mundësi për të luajtur dhe për të treguar vlerat e tyre. Ne kemi treguar se mund të luajmë ndaj kundërshtarëve të mëdhenj dhe një gjë të tillë do të përpiqemi ta bëjmë edhe sonte. Në ndeshjen e parë me Arsenalin pësuam një humbje 4-0 dhe e di se prej atëherë jemi përmirësuar, por këtë gjë dua ta shoh në fushën e lojës. Prandaj, si trajner, jam tepër kurioz të shoh se në çfarë pikash jemi përmirësuar. Nuk duhet të harrojmë se e dhe në Londër, ne krijuam mundësitë tona, por nuk arritëm t’i shfrytëzonim ato. Ndryshe bëri Arsenali, që arriti të ishte më konkret brenda zonës dhe mundësitë e krijuara, i shndërroi në gola. Sonte do të pëpiqemi të dhurojmë një futboll, që të argëtojë tifozët në shkallët e stadiumit. Fakti që jemi kualifikuar, nuk do të thotë se duhet bërë ndonjë ndryshim në aspektin e angazhimit në tapetin e gjelbërt. Ne e luajmë çdo ndeshje për ta fituar dhe këtë gjë do të përpiqemi të bëjmë edhe sonte.”
Malik Tillman, mesfushori i PSV:
“Ky është një nivel që e kam ëndërruar që në moshë të vogël. Kam dashur me çdo kusht të luaja në këto nivele, kështu që jam mëse i kënaqur që jam pjesë e kësaj skene. Sonte parashikoj një ndeshje të vështirë, me shumë intensitet. Për këtë arsye duhet të qëndrojmë të vëmendshëm, se në Champions League, mund të pezullohesh qoftë edhe nga një gabim. Të dyja skuadrat janë kualifikuar në raundin tjetër, por ne nuk do nënvlerësojmë asgjë. Jemi gati të japim më të mirën tonë në fushën e lojës. Do të luajmë për tifozët tanë dhe do të tregojmë se mund të luajmë edhe ndaj kundërshtarëve të peshave të rënda.”
Mikel Arteta, trajneri i Arsenalit:
“Mënyra e lojës së PSV është me të vërtetë impersionuese. Ata po tregojnë qëndrueshmëri nga ndeshja në ndeshje dhe janë duke fituar takimet e tyre. Madje, jo vetëm kaq. PSV është duke fituar me dominim, çka do të thotë se ata qëndrojnë të motivuar përgjatë gjithë 90 minutëshit, një aspekt që duhet vlerësuar maksimalisht. Jo vetëm këtë sezon, por po të shohim edhe atë ta kaluarin, kjo skudër ka luajtur gjithashtu një futboll të mirë dhe ka arritur rezultate të shkëlqyera. Për këtë arsye, trajneri i tyre meriton respekt maksimal për atë që ka arritur t’i transmetojë ekipit. Vlerësim i lartë shkon edhe për lojtarët, sepse në fund të fundit, janë ata që zbresin në fushën e lojës. Duke parë rezultate të tilla, është e lehtë të kuptohet se sonte na pret një ndeshje e vështirë. Duhet ta harrojmë atë që ndodhi në Londër në javën e parë. E kemi vënë re, se prej atëherë, PSV është përmirësuar ndjeshëm dhe për kët mjafton të shohësh rezultatet. Nuk duhet të harrojmë gjithashtu se fakti që luajmë në stadiumin e tyre, është një bonus i madh për ta. Tifozët gjithmonë janë një armë më tepër për të motivuar skuadrën. Prandaj, shkalla e vështirësisë për ne, pritet të jetë e nivelit maksimal. Gjithësesi, ne kemi besim në planin tonë dhe kemi ardhur këtu me ide të qarta. Fakti që të dyja skuadrat janë kualifikuar për më tej, nuk besoj se do të bëjë ndonjë ndrshim. Jam i bindur se secili ekip do të kërkojë të marrë 3 pikë nga ky 90 minutësh.”
Oleksandr Zinchenko, mbrojtësi i Arsenalit:
“Llogaria për ne është shumë e thjeshtë. Arsenali gjithmonë luan për fanellën dhe tifozët, kështu që fitorja është objektivi ynë i vetëm në fushën e lojës. Nuk ka rëndësi se në çfarë kompeticioni luajmë, ne gjithmonë do të japim më të mirën tonë. Nga ana tjetër, duhet të tregojmë respekt maksimal për kundërshtarin. PSV është një skuadër fantastike për t’u parë. Futbolli i tyre është argëtues, i ndërlidhur me rezultate të shkëlqyera. E dimë se sonte nuk do të jetë aspak e lehtë për ne, pasi veç të tjerash, luajmë në fushën e tyre.
Nëse do t’i referohemi takimit të parë në Londër, atëherë do të gabojmë. Fakti është se prej atëherë kanë kaluar disa muaj, ndërsa gjatë kësaj kohe, PSV është përmirësuar edhe më shumë. Ata luajmë në shtëpinë e tyre dhe do përpiqen t’u tregojnë tifozëve se mund të bëjnë mirë ndaj çdo kundërshtari. Prandaj, duhet të tregohemi të kujdesshëm dhe të mos shpërqendrohemi në asnjë moment.”
