Sfida mes PSG dhe Real Madrid është padyshim një nga ndeshjet më të bukura që vetëm champions League t’i ofron. Shpenzimet marramendëse të parizienëve dhe synimet e qarta të shpehura prej tyre për t’i shkuar deri në fund kompeticionit, rritën edhe më tepër rëndësinë e përballjes me kampionët në fuqi të Europës. Mirëpo nëse sheh shifrat mes këtyre dy skuadrave, diferencat janë të mëdha. 4 herë janë përballur parizienët me skuadrat spanjolle në fazën me eleminim direkt, 3 herë me Barcelonën dhe herën e fundit me Real Madrid, duke mos ia dalë asnjëherë të kalojë më tej.
Me humbjen 1-2 ndaj madrilenëve në “Parc des Princes”, kryeqytetasit francezë për herë të parë në historinë e tyre humbasin 3 ndeshje radhazi në Champions League. Me Bayern në fazën e grupeve dhe dështimet ndaj kampionëve në fuqi. Cristiano Ronaldo vazhdon të thyejë rekorde. Pas golit të shënuar në shtëpinë e PSG, portugezi bëhyet lojtari i dytë që shënon në 9 ndeshje radhazi në arenën europiane. Diçka të tillë më parë e ka arritur Ruud Van Nilsterooy në vitin 2003, me fanellën e Manchester United.
Verrati u bë sërish protagonist me një karton të kuq.
Në 4 rastet e fundit që PSG është dënuar në këtë mënyrë nga gjyqtari, Verrat ka qenë përgjegjës në 3 ndëshkime me të kuq. PSG nu humbte në shtëpi prej 51 ndeshjesh, por Real Madrid e bëri të dukej më e thjeshtë se ç’mendohej. Me Zidane në krye të stolit, madrilenët fitojnë 75% të ndeshjeve të tyre në Champions League. Benzema nuk ia doli të ishte i saktë përballë Areola, por veç kualifikimit më tej, ai i gëzohet edhe prezencës së 100 në Champions League. Vetëm 2 francezë të tjerë e kanë kaluar këtë shifër, Thierry Henry dhe Patrice Evra.
PSG dështoi sërish dhe presidenti Al-Khelaiffi pranoi se do të ndërmarrë vendime të rëndësishme dhe trajneri Unai Emery duker se mund ta pësojë i pari, pasi nuk kualifikohet në çerekfinalet e Champione League për herë të 6 si trajner.
