Grupi C i Champions League është aktualisht më ai intriguesi dhe që ka lënë diskutimin e kualifikimit plotësisht të hapur për të katërta skuadrat. Dhe diskutimi pritet që të zgjidhet ndoshta deri në minutën e fundit të 4 ndeshjeve, që kanë mbetur të luhen deri më 11 dhjetor. Me barazimin spektakolar të fiksuar në “San Paolo” të Napolit, skuadra e Ancelotit përveçse tregoi versionin më të mirë të saj, mori sigurinë se kundrejt francezëve do të kenë avantazhin e përballjeve direkte, në rast mbërritjeje në fund me pikë të barabarta.
Për të ndërlikuar dinamikat e këtij grupi mendoi Liverpuli, që u gjunjëzua në fushën e Crvena Zvezdës, duke futur befas në garë edhe për serbët. Për momentin, Napoli e “Reds” mbajnë bashkë kreun e renditjes me 6 pikë, pastaj vjen Paris SG me 5 dhe Crvena Zvezda me 4 pikë.
Por mund të jenë vendimtare ndeshjet e parafundit në grup, kur Napoli do të presë Crvena Zvezdën brenda në shtëpi, ndërsa PSG e Liverpul do të përplasin brirët në “Parc de Prince”. Aty ku nëse fiton Liverpool e njëkohësisht edhe napoletanët likuidojnë serbët, gjërat do të jenë të vendosura. Por nëse skuadra pariziene mund anglezët, atëherë gjithcka do të duhet të zgjidhet në përplasjet e fundit, Crvena Zvezda-PSG dhe Liverpool-Napoli.
