Oscar Pistorius ka provuar të vetëvritet.Kështu kanë raportuar mediat ndërkombëtare, sipas së cilave atleti paralimpik është shtruar të dielën në spital pas disa plagëve të marra në kyçet e duarve. 29-vjecari është duke vuajtur dënimin me 6 vite burg për vrasjen e së dashurës së tij Reeva Stenkamp, të cilën e qëlloi me armë mbrëmjen e 14 shkurtit të vitit 2013-të.Ky denim ju dha vetëm një muaj më parë pas një séance maratonë apelimesh. Duket se burgu e ka rënduar edhe më shumë psikologjikisht Pistoriusin, I cili gjatë seancave gjyqësore është pare gjithmonë I tensionuar dhe I brishtë emocionalisht. Ai nuk e ka ndryushuar kurrë qëndrimin se vrasja e së dashurës ndodhi aksidentalisht, teksa në gjykatë iu kërkua që të ecte edhe pa protezat. Nga familjarët e Pistorius është mohuar fakti që Oscar ka tentuar vetëvrasjen, por raportime nga spitali ku ai u shtrua të dielën dëshmojnë për një gjendje të rënduar psikologjike të 29-vjecarit.Ish-kampioni paralimpik pasi ka marrë trajtimet e duhura për plagët në kyce është rikthyer në burgun ku dhe po shlyen dënimin.Sipas kodit penal të Afrikës së Jugut, dënimi I parashikuar përvrasje është 15 vite burg, por Pistorius duket se mund t’ia hedhë edhe me më pak se 6 vite, pasi avokatët e tij kanë deklaruar se do ta ri-apelojnë vendimin e korrikut.
