Pritja prej një kohe rreth dy mujore pa futboll, duket se së shpejti do të marrrë fund. Në Gjermani pritet që ky sport të rifillojë veprimtarinë. Padyshim që vëmendja e lojtarëve do të jetë shumë e madhe. E kujdesi po ashtu duhet të jetë i veçantë. I këtij mendimi është kapiteni I Bayern Munich, Manuel Neuer, I cili së fundi është shprehur se sjellja e lojtarëve në fushë duhet të jetë shembullore ndaj Covid 19-të, sepse sytë do të jenë tek ata në këtë periudhë. Ndërsa sjellja e tyre mund të ndikojë edhe tek futbollistët e tjera që luajnë në kampionate më të dobëta. Në këto kushte, “gardiani” ka kërkuar që masat e kërkuara nga autoritetet përkatëse të zbatohen me mjaft korrektësi. Ndërkohë, tek Bayern, gjatë kësaj kohe që futbolli ka qenë I pezulluar, klubi është kujdesur për kontratat e disa lojtarëve, duke rinovuar kështu për disa vite të tjera, sikurse ndodhi me Thomas Muller, Alphonso Davies, apo së fundi pritet edhe zgjatja e marëveshjes me mesfushorin Thiago Alcantara. Ende në dilemë ka mbetur e ardhmja e Manuel Neuer. Palët prej kohësh nuk po arrijnë të gjejnë një marrëveshje të mundshme, për faktin se portieri, tashmë 34 vjeç, kërkon një kotratë 5-vjeçare. Ndërsa klubi duket se nuk është dakord me diçka të tillë. Megjithatë, një rrugë e mesme pritet të gjendet së shpejti. Përsa I përket kampionatit, Bundesliga është ndalur në javën e 25-të, ndërsa Bayern Munich kryeson renditen me 55 pikë, I ndjekur nga Borussia r Dortmund me 51.
