Ditën e djeshme, u hodh shorti për fazën e grupeve të UEFA Champions League. Përveç kësaj, UEFA ka ndarë edhe çmimet për futbollistët më të mirë që kanë spikatur në sezonin e kaluar. Duhet theksuar se lojtarët e Real Madrid e kanë pushtuar këtë listë.
Pra, përveçse fitues të UEFA Champions League 2017/2018, Real Madrid kishte edhe lojtarët më të mirë të gjithë sezonit. Portieri më i mirë u shpal Keylor Navas. Përballë tij ishin Buffon dhe Alisson, por fakti që fitoi për të tretën herë radhazi Champions League e ndihmoi portierin për të rrëmbyer vendin e parë.
Mbrojtësi më i mirë i sezonit u shpal Sergio Ramos. Sulmuesi më i mirë u shpall Cristiano Ronaldo, ndërsa mesfushori më i mirë dhe lojtari i vitit u shpall Luka Modriç.
