Vetë LeBron Xhejms ka shpalosur së fundi se ka për qëllim të sigurojë Kupën e NBA, edicioni i parë i të cilës po shkon drejt fundit. Dhe Los Anxheles Lejkers është në rrugën e mbarë, pasi siguroi kualifikimin në “Final Four” të të ashtuquajturit ‘In-Season Tournament’. Tashmë në Las Vegas do të luftojnë për të bërë histori në një tjetër kompeticion. Skuadra me më shumë trofe në NBA, mmposhti Finiksin me rezultat 106-103 dhe do të luajë kundër Nju Orlinsit,për një vend në finalen e madhe. LeBron ishte i shkëlqyer, me shënimin e 31 pikëve, 15 prej të cilave në çerekun e fundit, në të cilin Finiksi u kërcënua që të rikthehej, pasi më parë kishte -14 pikë dieferencë. Entoni Dejvis i dha mbështetje të madhe me 27 pikë dhe 15 ribaunde, ndërsa Austin Rivs shtoi 20 pikë. Te skuadra e Feniksit, Kevin Durant shënoi 31 pikë, por humbi një goditje për barazimin e rezultatit në tentimin e fundit të ndeshjes. Një nga arsyet kryesore të humbjes së Feniks Sans janë 22 topa të humbura.
Në duelin tjetër që u luajt për Konferencën e Lindjes, Milouki fitoi ndaj Nju Jorkut me rezultat146-122, pavarësisht se Xhulius Randëll shënoi një të tretën e pikëve të Nju Jorkut, 41. Antetokounmpo pati një paraqitje të shkëlqyer në sulm, shënoi 35 pikë me 10 asistime dhe 8 kërcime, i ndjekur nga Lillard me 28 pikë dhe Bizli me 18 pikë.Milluoki Baks vendosi një rekord të ri me 60.5% të realizimit të gjuajtjeve për 3 pikë. Tani, në gjysmëfinale do të përballen me Indiana-n gjatë të premtes në mëngjes, po në Las Vegas.
