Washington Wizards është skuadra e radhës që siguron kalimin për në fazën finale të NBA në Konferencën e Lindjes.
Pavarësisht se të besuarit e Scott Brooks u mundën nga Chicago Bulls me rezultatin 113-94, ata ia dolën të siguronin matematikisht fazën ´play-off´, duke përfituar nga humbjet e dy ndjekësve më të afërt, Miami Heat dhe Milwaukee Bukcs.
Pikërisht skuadrat në fjalë tashmë do të diskutojnë së bashku me Detroit Pistons, 2 vendet e fundit në Konferencën e Lindjes që të sigurojnë biletën për në finalet e sezonit. Megjithatë për Detroit , një skenar i tillë duket i vështirë, për shkak të diferencës me kundërshtarët, dhe kur kanë mbetur dhe vetëm 5 ndeshje, Miami dhe Milwaukee duken në rrugën e duhur drejt fazës ´play-off´.
