Golden State Warriors duket se nuk do ta kenë dhe aq të vështirë sa ishte menduar përballë San Antonio Spurs. Kampionët në fuqi të NBA kanë fituar edhe ndeshjen e dytë ndaj teksanëve, kësaj radhe me rezultatin 116-101, ku pas Stephen Curry në parket, lideri i Warriors ishte Kevin Durant, që realizoi 32 pikë, 6 asiste dhe 6 zotërime të topit nën tabelë. Megjithatë, më i miri i ndeshjes ishte një lojtar i Spurs. LaMarcus Aldrigde shënoi 34 pikë, 3 asiste dhe 12 zotërime të topit nën tabelë, por qe nuk e ndihmuan skuadrën e tij në arritjen e një rezultati pozitiv.
Në Konferencën e Lindjes ndërkohë Miami Heat ka arritur të barazojë serinë e ndeshjeve me Philadelphia 76ers në 1-1. Të udhëhequr nga veterani Dwyane Wade, i cili realizoi 28 pikë, 3 asiste dhe 7 zotërime të topit nën tabelë, Miami fitoi ndeshjen e dytë me rezultatin 103-113, duke respektuar pritshmëritë se përballja e këtyre dy skuadrave në “play-off” do të jetë mjaft e luftuar. Për Philadelphian, më i miri ishte i zakonshmi Ben Simmons, që e mbylli takimin me 24 pikë, 8 asiste dhe 9 zotërime të topit nën tabelë.
