Antonio Conte (trajner i Napolit):
“Kemi dëgjuar shumë kritika që nga starti i sezonit… Por Liga e Kampionëve është një botë krejt tjetër, bëhet e vështirë të gjesh skuadra që nuk janë përgatitur mirë. Sot kemi një mundësi për të rikuperuar veten pas ndeshjes kundër PSV-së. Jam i qetë; kam një skuadër të fortë mendërisht. Sigurisht, duke luajtur çdo tre ditë, lodhja akumulohet. E dimë që po përballemi me një kundërshtar të fortë, por në këtë nivel, të gjithë janë kundërshtarë të fortë. Kemi mungesa në sulm, por ja që dikush ka arritur të shënojë gola për ne. Jo më kot jemi në vendin e parë në renditjen e kampionatit… Së pari problemi ishte mbrojtja, tani kemi arritur dy ndeshje pa pësuar gol dhe po flasim për sulmin.
Me të gjitha problemet dhe lëndimet që kemi pasur në tre muaj, kemi dëgjuar vetëm kritika. Pastaj shikoj renditjen dhe kush është në vendin e parë të Serisë A? Napoli. Dhe mendoj, ‘uau’… Lukaku u dëmtua, Lobotka po ashtu, tani De Bruyne është jashtë, por pastaj shikoj tabelën dhe shoh se Napoli është ende në vendin e parë. Askush nuk pyeti se si arritën të qëndronin në krye pavarësisht të gjitha këtyre problemeve. Ajo që ka rëndësi është fitorja. Se si do të arrijmë atje varet nga ne që ta kuptojmë herë pas here, me ndryshime në aspektin e lojës dhe lojtarëve”.
Politiano, lojtar i Napolit:
“Eintraht Frankfurt është një ekip që do ta sulmojë ballë për ballë. Për ne, do të jetë thelbësore t’i qasemi mirë ndeshjes dhe të menaxhojmë çdo situatë sa më mirë të jetë e mundur për të marrë në shtëpi tre pikët. Performanca në Holandë kundër PSV-së solli një humbje 6-2 ndaj PSV. Ajo që duhet të shërbejë si një paralajmërim për ne, ishte një humbje e keqe, por duhet ta nxjerrim këtë mësim për të kuptuar sa e ndërlikuar është Liga e Kampionëve dhe për të qenë në gjendje t’i rezistojmë kësaj gare”.
Jan Fiesser, ndihmës trajner i Frankfurtit:
“Kemi mësuar nga humbjet e pësuara në ndeshjet e fundit dhe shpresojmë se do të bëjmë më mirë duke nisur nga ky takim i radhës me Napolin. Jemi në Ligën e Kampionëve për të mësuar, por edhe për të fituar. Nëse e humbasim edhe këtë ndeshje, gjërat do të bëheshin më të ndërlikuara sa i takon renditjes së Fazës së Ligës. Por nuk do të mendojmë shumë larg. Napoli ka lojtarë të mirë dhe qëllimi ynë është të marrim tri pikët, duke ditur sesa të mirë janë ata. Kemi kaluar nga një ecuri e mirë në kampionat, tek ndeshjet me rezultate jo të mira në Champions. Duhet të kthehemi në normalitet.
Kemi arritur të rigjejmë disa lojtarë kyc të formacionit, por na mungojnë edhe disa të tjerë, gjë me të cilën duhet të bëjmë llogaritë mirë. Është e mundur që ndonjëherë të mos kemi krijuar aq shumë raste sa do të kishim dashur, por ndeshjet kanë qenë me një volum të mirë lojë dhe jemi ndëshkuar shpesh nga pakujdesitë e tyre”.
Arthur Theate, lojtar i Eintraht:
“E dua futbollin italian. Kam mësuar shumë prej tij. Shpresoj që të mbrohemi në ndeshje, në mënyrën italiane.Na mungon Kevin de Bruyne në ekipin kombëtar, por sigurisht që na ndihmon fakti që ai nuk do të luajë përballë nesh në radhët e Napolit. Ai është një nga lojtarët më të mirë në botë. As Romelu Lukaku nuk do të luajë. Është për të ardhur keq që nuk mund të luaj kundër shokëve të mi të skuadrës belge.”
