Milani po mundohet të gjej elementë të nevojshëm për tu përforcuar gjatë merkatos së Janarit. Emri që është rishfaqur në sipërfaqe nga mediat italiane është ai i talentit të përfaqësueses sonë, Armando Brojës. Kuqezinjtë kanë tentuar edhe më parë por pa vendosmërinë e duhur për ti shkuar deri në fund negociatave.
Dëshira më e madhe e Milanit është Hakim Ziyech, por rruga për të afruar Brojën është më e thjeshtë sepse në rastin e Ziyech, Chelsea do të preferonte shitjen e plotë të kartonit, dicka që Milani nuk ka ende forcën për ta përballuar, ndërsa në rastin e Brojës, klubi londienz do ishte i hapur edhe për huazimin.
21 vjecari nga Malësia e Madhe ka zbritur në fushë në 12 ndeshje në kampionat, 2 prej të cilave i ka nisur nga minuta e parë, teksa ka shënuar 1 gol kundër Wolverhamptonit. Ndërkohë që ka qënë i pranishëm edhe në 5 ndeshje në UCL dhe 1 takim në Kupën e Ligës. Me ardhjen e Graham Potter-it, djaloshi shqiptar ka marrë më tepër minuta edhe pse nuk e ka pasur të thjeshtë për të gjetur rrugën e golit. Milani mund ti ofronte edhe më tepër minuta, edhe pse për momentin nuk ka bisedime konkrete, por është më tepër një dëshirë e kuqezinjve, mbetet për tu parë nëse dicka do të lëvizë në merkaton e Janarit.
