Paqe në aktin e parë të derbit të Madoninës mes Milanit dhe Interit në gjysmëfinalen e Superkupës së Italisë. Në San Siro pati spekatkël, por në fund, gjithçka u mbyll në barazim 1-1. Të parët që kaluan në avantazh ishin kuqezinjtë, vetëm dy minuta pas fillimit të pjesës së dytë, me anë të sulmuesit Tammy Abraham. Anglezi i vodhi kohën kundërshtarit brenda zonës dhe me një të djathtë diagonale, arriti ta dërtonte topin në rrjetë. Pas një momenti të tillë, pritej reagimi i Interit dhe në fakt erdhi. Në të 67-tën, një ish si Hakan Çlhanoglu ndëshkoi Milanin. Turku gjuajti saktë nga jashtë zonës dhe mposhti portierin Mike Maignan, i cili nuk mundi t’i ndryshonte drejtimin topit. Këtë sezon, Hakan Çalhanoglu është lojtari me më shumë gola të shënuar nga jashtë zonës në Serie A, plot 4 të tillë. Këmba e djathtë e mesfushorit është kthyer në një snajper të vërtetë, teksa me golat e realizuar, ai i ka ardhur skuadrës në ndihmë, në disa momente kyçe të ndeshjes. Derbi i Milanos nuk kishte parë dy barazime radhazi, për herë të parë që nga edicioni 2016/17-të, teksa në 23 Prill, po në San Siro, me skuadrën pritëse që do të jetë Interi, do të mësojmë se cila prej ekipeve do të shkojë në finalen e Kupës së Italisë.
