“Është një ndeshje shumë e rëndësishme. Nuk kemi fituar ende asgjë prandaj do ta nisim pa bërë llogari. Mendoj se duhet të tregojmë akoma më shumë për aftësitë tona që ta meritojmë plotësisht kualifikimin. Përgjatë këtij sezoni, kemi patur shumë mungesa, por nuk është momenti të kapemi me të tilla gjëra. Është e vërtetë, Benzema dhe Sergio Ramos e kanë lënë pas dëmtimin. A jam më i qetë prej këtij fakti? Jo, sepse kundër Atalantas nuk mund të jesh kurrë i qetë. Janë të tërbuar për kartonin e kuq të ndeshjes së parë, do të thoja me të drejtë. Ata luajnë gjithnjë në mënyrën e tyre dhe përpiqen të japin gjithmonë diçka më shumë. Është e rëndësishme që ne mos të mendojmë për atë se çfarë ndodhi në ndeshjen e parë. Duhet të përqëndrohemi tek fusha e lojës dhe tek mënyra se si do ta nisim këtë sfidë. Ronaldo? E di që ka shumë zëra për një rikthim të tijin në Madrid… Mund të ndodhë… çdo gjë mund të ndodhë. Ai është një lojtar i jashtëzakonshëm, por tani nuk mendojmë për merkaton. Luajmë një ndeshje me shumë rëndësi dhe mendja jonë është vetëm tek Atalanta.”
