Lionel Messi sërish në librat historisë. Ndonëse ka më tepër se një dekadë që vetëm thyen rekorde, mesa duket, ato do përfundojnë vetëm kur Messi të tërhiqet nga futbolli. Java e 25 e kampionatit francez ka rezultuar historike për Lionel Messin. PSG mposhti në klasike, skuadrën e Marseille, në shtëpinë e kësaj të fundit me rezultatin 3-0.
Përveç një dopiete nga Kylian Mbappe, golin tjetër të sfidës e shënoi pikërisht Messi, I cili tashmë ka shkuar në kuotën e 700 golave të realizuar, vetëm sa I përket karrierës së klubeve, shifër kjo që nga lojtarët aktivë është prekur vetëm nga rivali I tij I përjetshëm, Cristiano Ronaldo.
Një arritje të tillë, Messi e ka bërë me dy klube të vetme. 672 I ka realizuar me Barcelonën, ndërsa 28 me PSG, skuadër me të cilën është duke kaluar sezonin e tij të dytë.
Kampionit të Botës I kanë mbetur vetëm disa muaj nga kontrata e vlefshme me PSG dhe e ardhmja e tij vijon të mbetet mister. Nisur nga raportimet e mediave ndërkombëtare, aq sa mundësia është e hapur që Messi të rinovojë, aq është e mundur që të largohet nga “Parc des Princes”. Një rikthim I tij në Barcelona konsiderohet po ashtu një mundësi, por duke qenë se tashmë ndodhet në përfundim të karrierës, nuk përjashtohet as një largim I tij nga Europa, ashtu sikurse ndodhi me rivalin e tij, Cristiano Ronaldon.
