Lennart Karl shkruajti historinë të mërkurën në mbrëmje ndaj Club Brugge në UEFA Champions League. 17 vjeçari i Bayern Munich u bë shënuesi më i ri në historinë e klubit në këtë kompeticion.
Bayern kundër belgëve, ruajti ecurinë perfekte në fillim të sezonit 2025/26 me 12 fitore radhazi. Golat e Harry Kane, Luis Díaz dhe Nicolas Jackson siguruan fitoren 4-0, por ishte goli i Karl në minutën e pestë që vuri bazat suksesit.
Vetë goli ishte i denjë për historinë: Karl mori topin në mesfushë dhe pasi dribloi dy kunërshtarë goditi fort pothuajse majtas nga jashtë zonës. Në përfundim ai u shpall “Lojtari i Ndeshjes”.
Goditja e tij i dha Bayern-it fillimin perfekt në “Allianz Arena” dhe i dhuroi 17-vjeçarit një rekord të ri. Ende katër muaj larg ditëlindjes së 18-të, ai është më shumë se 3 muaj më i ri se Jamal Musiala kur ky i fundit vendosi rekordin pas golit kundër Lazio-s në vitin 2021.
Goli kundër Brugge nuk ishte vetëm i pari për Karl në Champions League, por edhe goli i tij i parë në nivele të larta me klubin, në ndeshjen e 10 për Bayern.
Tashmë Karl kryeson listën e 10 shënuesve më të rinj të Bayern-it në Champions League, ku mes të tjerëve gjenden emra si Thomas Müller, Bastian Schweinsteiger dhe David Alaba.
