Marco Rose, trajneri Leipzig:
“Sonte duhet të qëndrojnë të fortë, të bashkuar dhe të përqendrohemi në mënyrën tonë të lojës. Duhet të mbrojmë mirë në të gjitha repartet e fushës. Mbi të gjitha, ëshë e nevojshme të tregohemi kompaktë. Në momentin kur të zotërojmë veti si këto në fushën e lojës, atëherë do të na shfaqen edhe mundësi për të dëmtuar kundërshtarin. Përgjatë fazave të lojës, do të kemi mundësi që gjithshtu të qarkullojmë topin, diçka që dimë ta bëjmë mjaft mirë.
Është me rëndësi të tregohemi kompaktë në të dyja tranzicionet, si në ata pozitiv, e po ashtu edhe në atë negativ. E them këtë, sepse Real Madrid është një skuadër që mund të organizohet shpejt në mamovrën offensive. Ata janë mjaft të mirë mes linjave dhe dinë të tregohen dinamikë atëherë kur të jetë e nevojshme. Për këtë arsye duhet t’I kontrollojmë këto faza sa më mirë të jetë e mundur.
Megjithatë, synimi ynë është I qartë. Ne duam të qëndrojmë përpara portës së kundëdrshtarit dhe të shënojmë gola, sepse nëpërmjet diçkaje të tillë, do të kemi mundësi të kalojmë në raundin tjetër.
Real Madrid? Jemi të përqendruar në ndeshjen që do të luajmë në stadiumin tonë, diçka mbi të cilën punuam përgjatë sezonit të kaluar. Po flasim rreth Real Madrid, një prej skuadrave më të forta në Europë. Përgjatë vitit të fundit, progresi I tyre ka qenë I jashtëzakonshëm. Ata zotërojnë një formë të përkryer në të gjitha repartet.
Reali luan shpejt dhe e përqendron lojën nga krahët. Gjëja më interesante rreth tyre është fakti se ata luftojnë në çdo metër edhe kur nuk janë në zotërim të topit dhe mbrojnë të gjithë së bashku në një mënyrë fantastike. Madridi është një skuadër që e di mjaft mirë si të fitojë titullin e Champions League.
Bellingham? Nuk mendoj se do të mungojë, deri në momentin kur të mos jetë në stadiumin tonë. Unë e njoh shumë mirë dhe e di se ai do të bëjë gjithçka të mundur për të luajtur një ndeshje të Champions League. Bellingham ndodhet në klubin e duhur dhe ka bërë zgjedhjen e saktë. Nuk jam aspak I surprizuar me mënyrën sesi ka shkuar deri më tani. Ndoshta jam pak I befasuar nga fakti që ka shënuar kaq shumë gola. Kam punuar një vit me të. Ai është një djalosh I mrekullueshëm dhe një lojtar I madh, me një mentalitet të jashtëzakonshëm. Tani, ai është duke bërë hapa përpara.
Vinicius? Vinicius luan shumë në krahë, por zotëron gjithashtu edhe aftësinë për të luajtur edhe si sulmues I fshehtë. Megjithatë, kudo që të ndodhet, ai shpesh preferon të ketë topin në zotërim, të niset ngag krahu dhe të përballet me lojtarët një për një.
Ançelotti? Çfarë të themi më shumë për të. Ai e ka fituar titullin e Champions League disa herë. Ancelotti zotëron një karizëm të veçantë dhe nga një qetësi e jashtëzakonshme. Kjo nuk është hera e parë që kam luajtur kundër tij. Personaliteti I tij është I madh dhe nuk është rastësi që ai është kaq shumë u suksesshëm për vite me radhë.
Peter Gulacsi, portieri i Leipzig:
“I njohim aftësitë individuale të Real Madrid. Vinicius Junior luajti shumë mirë në fundjavë dhe ishte I përfshirë në të paktën 3 gola. Rodrygo u përfshi gjithashtu në një tjetër gol. Mirëpo këtu mund të përmendim edhe të gjithë lojtarët e mesfushës, megjithëse Jude Bellingham për momentin është I dëmtuar.
Reali është një skuadër mjaft e fortë, me kualitet të jashtëzakonshëm në manovrën sulmuese. Ata po kalojnë një moment të mirë, e për këtë arsye, ne, nuk duhet të përqendrohemi vetëm tek një lojtar, por tek e gjithë skuadra e tyre.
Objektivi? Para së gjithash jam I lumtur që do të jem në fushë dhe të të luaj nje ndeshje me eliminim të Champions League. Kjo është diçka shumë e veçantë për çdo futbollist. Në dy ndeshjet e fundit jam përpjekur që sipas mënyrës time, të jem sa më shumë në ndihmë të skuadrës. Të njëjtën gjë do të provoj të bëj edhe sonte. Do të jap gjithçka që mundem për të ndihmuar ekipin në përmbushjen e një performance pozitive.
Carlo Ançelotti, trajneri I Real Madrid:
“Vijmë në këtë ndeshje pas një sërë rezultatesh pozitive dhe po shijojmë momentin. Skuadra ëshë e emocionuar dhe gati për të përjetuar sërish mbrëmje të tilla. Champions League është rikthyer dhe po flasim për një kompeticion që na pëlqen shumë, ndërsa përballë do të kemi një skuadër të fortë, kualitative dhe që luan një futboll me mjaft intensitet. Për këtë arsye, performance jonë duhet të jetë e kompletuar, në veçanti në mbrojtje, e gjithashtu në sulm, atje ku zotërojnë mjaft cilësi.
A mund të jetë ky sezoni im më I mirë? Nuk e di nëse është më I miri. Nëse I bazohemi ecurisë, ndoshta edhe mund të jetë. Asnjëherë më parë në këtë fazë, skuadra ime nuk kishte pësuar vetëm dy humbje. Ekipi është I bashkuar, profesionist dhe I motivuar. Atmosfera është pozitive. Gjithësecili po jep kontributin e tij dhe askush nuk ankohet. Do të shohim se ç’do të ndodhë, por deri në këtë fazë të sezonit kemi ardhur mjaft mirë, pavarësisht vështirësive që kemi pasur. Ia kemi dalë t’I kalojmë të gjitha, falë karakterit të lojtarëve.
Vinicius? Nëse do të luajë sikurse ndaj Gironas, atëherë do të bëjë diferencën. Do të asistojë dhe do të ketë qëndrueshmëri. Ai është një lojtar me kualitet të madh, I cili luan me mjaft intensitet përgjatë të gjithë 90 minutëshit.
Toni Kroos? Është e vështirë të themi nëse ky është sezoni I tij më I mirë. Ai është gjithmonë në sezonin e tij më të mirë. Saktësia e pasimeve të tij sot, është e njëjtë me 10 vite më parë, apo edhe kur ishte tek Bayern. Kualiteti nuk I ka ndryshuar. Loja e tij dallohet më shumë, sepse ai është pjesë e një skuadre mjaft të talentuar, me energjit dhe që di të qarkullojë mirë topin. Kjo I jep mundësi Tonit që të shkëlqejë më tepër në fushën e lojës.
Çelësi I motivimit? Motivimi vjen prej faktit se më pëlqen shumë puna që bëj dhe ndodhem në vendin e duhur për ta vërtetuar më së miri këtë gjë. Më pëlqejnë lojtarët dhe skuadra që kam. Ky është motivimi im. Më pëlqejnë tifozët e Realit, apo edhe Champions League që është kompeticioni më I rëndësishëm dhe që ky klub është më I suksesshmi nga të gjithë. Do të bëjmë ashtu sikurse gjithmonë. Do të luftojmë deri në fund. Nuk e di nëse do të fitojmë apo jo, sepse këtë askush nuk mund ta dijë. Sonte nap ret një ndeshje e vështirë, ndaj një skuadre të vështirë.”
Toni Kroos, mesfushori I Real Madrid:
“Leipzig është një skuadër që di të luajë me mjaft intensitet dhe nëse duam të kemi sukses këtu, atëherë duhet të performojmë sikurse kemi bërë përgjatë ndeshjeve të fundit. Kemi zhvilluar një fazë grupesh në mënyrë perfekte, ndërsa tani fillon gjëja më e bukur e sezonit, por sigurisht që kjo është njëkohësisht edhe pjesa më e vështirë.
Këtu kemi luajtur dy vite me parë dhe humbëm. Për këtë arsye e dimë se çfarë skuadre do të kemi përballë, e për këtë arsye, vëmendja duhet të jetë maksimale.
Çelësi I një sezoni pozitiv? Motivimi është gjithmonë gjëja më e rëndësishme. Të kesh të njëjtën dëshirë për të fituar, sikurse 10 vite më parë, ky është absolutisht një çelës suksesi. Në të kundërt, nuk mund të jesh 34 vjeç dhe të luash mirë. Po ashtu, duhet të të përgjigjet edhe trupi. Unë përpiqem t’I kushtoj mjaft rëndësi vetes, çka do të thotë se fizikisht, mund të luaj çdo 3 ditë.
Momenti im më I mirë? Nuk është e lehtë për ta thënë këtë. Unë kam pasur sezone mjaft të suksesshme dhe e kam të vështirë të zgjedh një prej tyre, por jam I lumtur. Po tregoj vazhdueshmëri në performancat e mia dhe jam I kënaqur që luaj në këto nivele edhe në këtë moshë. Të gjithë e dimë se sezoni I vërtetë fillon në Mars, ose në Prill, kështu që të shohim se ç’do të ndodhë.
E ardhmja ime? Ende nuk e kam vendosur se ç’do të bëj. Nuk e di, por jam I lumtur kur njerëzit duan që unë të luaj edhe një vit tjetër. Kjo ëshë një shenjë pozitive. Ndihem mirë, por nuk e kam vendosur ende të ardhmen time.”
