Kvicha Kvaratskhelia ka nisur të trazojë sërish ujërat në klubin e Napolit. Gjeorgjani është bërë sërish pjesë e merkatos. Siç raportojnë mediat në Francë, PSG po interesohet ndjeshëm për lojtarin në fjalë. Nga kampionët e Ligue 1, parashikohet të ketë largime dhe këtu fjala është për Kolo Muani, për të cilin ka interes nga klube të ndryshme, qoftë italiane, apo edhe angleze. Kështu që, drejtuesit e klubit francez nuk duan të gjenden të papërgatitur, por janë gati të bëjnë lëvizjen e tyre dhe objektivi quhet pikërisht Kvicha Kvaratskehlia. Ky i fundit, ka një kontratë të vlefshme me Napolin deri në verën e 2027-tës, ndërsa vlen të theksohet se prej disa kohës, si klubi, ashtu edhe lojtari, kanë nisur bisedimet për një rinovim të mundshëm.
Duhet thënë se fillimi u duk i mbarë, por tani, situata kë nisur të ndryshojë. Për një farë kohe të caktuar, gjeorgjani konsiderohej i paprekshëm nga drejtuesit e klubit të Napolit. Madje, mendohej gjithashtu që edhe projekti i klubit të ndërtohej rreth tij. Mirëpo, me kalimin e muajve, ka ndryshuar edhe ky këndëvshtrim dhe kjo ka ardhur si pasojë e performancave të mira që po zhvillim David Neres, i cili ka zbehur disi protagonizmin e Kvaras. Në kushte si këto, drejtuesit e klubit të kaltër, janë gati të dëgjojnë ofertat për anësorin e sulmit, kartonin e të cilit e konsiderojnë joë më pak se 80 milionë euro. Trajneri Luis Enrique e cilëson Kvaratskehlian mjaft të dobishëm për filozofinë e tij të lojës, duke qenë se gjeorgjani zotëron një teknikë të lartë në përdorimin e topit.
Por, Parisi nuk mund të ndihet i qetë në këtë drejtim, pasi pjesë e garës për të siguruar shërbimet e futbollistit 23 vjeçar, mund të bëhet edhe Manchester United. Djajtë e Kuq, po përgatiten për largimin e Marcus Rashford përgjatë merkatoës së Janarit, kështu që organika ka nevojë për një tjetër element cilësor.
Se ç’do të ndodhë përgjatë ditëve të ardhshme, këtë gjë do ta tregojë vetëm koha, por nëse Kvaratskhelia shitet, atëherë, Napoli do të nisë menjëherë nga puna për pasuesin e tij.
Këtë sezon, Kvara nuk është në formën e tij më të mirë, teksa deri më tani, në 17 ndeshje të luajtura në Serie A, ka kontribuar gjithësej me vetëm 8 gola; 5 finalizime dhe 3 asistime.
