Braziliani Leite Kaka është munduar të sqarojë arsyet që dërguan Cristiano Ronaldon te Juventusi. Pesë herë fituesi i Topit të Artë këtë verë la Real Madridin për t’iu bashkuar kampionëve të Serie A. “Mendoj se Cristiano tani është një lojtar me shumë eksperiencë, 33 vjeçar, kështu që ai e njeh dhe e kupton shumë mirë situatën”, ka deklaruar Kaka. “Vendimi për të kaluar nga Madridi te Juventus është i arsyeshëm. Ai e di që ka ardhur koha për të ndërruar ambient. Ndoshta ai ka menduar se me Real Madridin ka fituar gjithçka, dhe tani është koha për të bërë diçka ndryshe për të mbajtur veten të motivuar.Kjo është arsyeja që e ka shtyrë të pranojë ofertën e Juventusit”.
Kundrejt transferimit të Ronaldos ka reaguar edhe Jose Mourinho: “Tani të gjithë e shohin kampionatin italian për Ronaldon, Premier League sepse është liga më e mirë në botë, kurse Spanjën për Messin. Me ardhjen e Ronaldos, Serie A është bërë një nga kampionatet më të rëndësishme në botë. Në futboll, çdo gjë mund të ndryshojë. Nëse ndryshon perspektivat e ekipeve si Interit, Milani dhe Roma, ata do të fitojnë përsëri dhe mund të ndryshojnë Serie A në kuptimine cilësisë, emocioneve dhe ekspozimit. Për këtë arsye, unë e përgëzoj Juventusin për këtë transferim, i cili përfshin futbollin, marketingun dhe biznesin. Është transferim i plotë”, përfundoi portugezi.
