Edhe pse një nga futbollistët më të suksesshëm, Cristiano Ronaldo ka vërtetuar se gjithmonë ia del të gjejë kohë të qëndrojë me familjen e tij. Si ai dhe partnerja, Georgina Rodriguez, publikojnë shpesh herë foto në rrjete sociale me familjen e tyre. Ditën e sotme, Georgina feston ditëlindjen e saj dhe Cristiano e ka uruar nëpërmjet një dedikimi në ‘Instagram’.
“Urime gruas më të mrekullueshme që Zoti mundi të vendoste në rrugën time”, ka shkruajtur ai. Në foton e publikuar çifri ishte duke përqafuar dhe dukeshin shumë të lumtur krah njëri-tjetrit. Me siguri, nuk kanë munguar as dhuratat, kështu që jemi ende në pritje të postimeve në vazhdim.
