Për Milanin duket se nuk ka paqe. UEFA ka hedhur zyrtarisht poshtë marrëveshjen me klubin kuqezi sa i përket problemit të rifinancimit të borxheve dhe shpenzimeve në merkato. Dhoma Hetuese e Trupit të Kontrollit Financiar të UEFA-s (CFCB) ka vendosur të dërgojë klubin italian AC Milan në “Dhomën Gjyqësore” për shkelje të rregullave të “Fair-Play Financiar. Siç raportohet së fundmi, Milani rrezikon tashmë një gjobë prej15-20 milionë eurosh dhe sanksione në merkato, por nga qeveria europiane e futbollit po shqyrtohet edhe ideja e përjashtimit të klubit kuqezi nga kompeticionet europiane vitin e ardhshëm. Në veçanti, “Dhoma e Hetimeve” është e mendimit se, veç faktorëve të tjerë, mbetet pasiguria në lidhje me rifinancimin e kredisë dhe shënimet që duhet të paguhen në tetor 2018.
Shumë gazetarë kanë pyetur pse Paris Saint-Germain ose Manchester City mund të shpenzojnë shumë më tepër në tregun e transferimeve dhe të arrijnë ende marrëveshje për zgjidhjen, por Milan janë në një situatë të pazakontë. Yonghong Li bleu klubin një vit më parë në sajë të një kredie prej 300 milionë eurosh nga shoqëria amerikane “Elliott Management”. Li duhet të shlyjë këtë kredi plotësisht në tetor të 2018-s, ku bashkë me interesin llogaritet deri në 380 milion euro. Negociatat kanë shkuar për muaj për të rifinancuar kredinë ose për të gjetur investitorë të tjerë, por ende nuk ka asnjë shenjë pozitive. Ndërkohë, Milani duhej të qëndronte brenda kufirit prej 30 milionë eurosh mes të ardhurave dhe shpenzimeve të tyre, por besohet të jetë më afër 100 milionë euro. Tek 7 herë kampionët e Evropës duket se nuk ka stabilitet dhe mungesa e fondeve të premtuara nga Kina, e kanë zhytur skuadrën në një situatë mjaft të komplikuar.
