Interi është shpallur zyrtarisht kampion i Serie A për sezonin 2023/24. Ky ishte titulli i 20 kampion në historinë e Serie A për klubin zikaltër dhe këtë arriti ta bënte realitet, përparar syve të rivalit të përjetshëm të qytetit, Milanit.
Derbi i Madoninës, i vlefshëm për javën e 33, përfundoi me rezultatin 2-1 për Interin, që në këtë mënyrë, ka vazhduar dominimin ndaj kuqezinjve.
Që nga sezoni 1929/30, Interi është e para skuadër në historinë e futbollit italian që arrin të shpallet kampion i Italisë në një ndeshje derbi.
Po ashtu, nuk kishte ndodhur ndonjëherë në historinë e Serie A që një skuadër të shpallej kampione me 5 javë të tjera për t’u luajtur. Diçka të ngjashme më herët, e ka bërë vetë Interi, në edicionin 2006/07.
Kjo arritje ishte e jashtëzakonshme edhe për trajnerin e zikaltërve, Simone Inzaghi, i cili fitoi titullin e 6 me Interin, duke u bërë trajneri i tretë më i trofeshëm i klubit. Përpara tij në këtë aspect qëndrojnë vetëm Helenio Herrera dhe Roberto Mançini, të dy me nga shtatë tituj.
Teksa Interi i gëzohet titullit të fituar me shumë meritë, nga ana tjetër, për Milanin situata në derbi sa vjen e përkeqësohet. Kuqezinjtë tashmë janë mposhtur 6 herë radhazi nga Interi. Kjo do të thotë se Stefano Pioli është bërë trajneri i parë i Milanit në histori që ka humbur kaq shumë ndeshje derbi radhazi. Po ashtu, në total, Pioli ka humbur 10 derbe në total, të gjitha këto si trajner i Milanit, duke u bërë trajneri me më shumë derbe derbe të humbura ndonjëherë.
