Simone Inzaghi, trajner i Inter:
“Kemi mundësi të përfundojmë në tetëshen e pare. Ky do të ishte një rezultat i shkëlqyer, por asgjë nuk merret si e mirëqenë në këtë Champions. Ne po luajmë me përqendrim dhe agresivitet të madh, kemi shënuar pak gola, por kemi pësuar vetëm një. E dimë rrugën dhe i dimë vështirësitë e viteve të fundit. Kemi punuar shumë dhe klubi nuk më ka lënë kurrë të më mungojë asgjë. Edhe kur kemi humbur lojtarë, kemi blerë të tjerë. Ne duam të ecim përpara dhe jemi një hap larg 8-shes së parë, gjë që nuk ishte e qartë duke qenë se ekipet me buxhete më të mëdha se tonat do të mbeten jashtë.
Monaco është një skudër me cilësi, që ka sulmues të shkëlqyer në repartin e avancuar. Duhet të luajmë një ndeshje të madhe dhe të përsërisim gjithcka të mirë që kemi bërë së fundi. Taremi kishte një problem të vogël, këto ditë ai është stërvitur vetëm në palestër. Ka shpresa të mira për ta pasur sërish në dispozicion për këtë ndeshje. Hakan Calhanoglu? Mundësia për ta rikthyer mes të enjtes dhe të enjtes. Të premten, të shohim nëse ai do të jetë në gatishmëri për derbin e së dielës në kampionat”
Benjamin Pavard, mbrojtes i Inter:
“Me Interin dua të fitoj të gjithë trofetë. Liga e Kampionëve është një objektiv për klubin. Mentaliteti është të fitojmë. Sonte do të ketë një atmosferë fantastike në stadium. Monaco ka pasur rezultate të mira në Evropë, por ne do të bëjmë gjithçka për të fituar: jemi gati. Unë luaj gjithmonë për të fituar dhe e di se të gjithë kanë të njëjtin mentalitet si unë. Kampionati është shumë i rëndësishëm, mirëpo Champions League është vërtet special. Do të shohim se si do të shkojë sonte dhe pastaj mund të flasim sa I takon fazave të mëtejshme. E theksoj që për ne Champions League është një objektiv me rëndësi të madhe!”.
Adi Hutter, trajner i Monaco:
“A do të bëj llogari? Nëse më thoni tani, unë do të them jo. Ndoshta do të mendoj për këtë gjatë ndeshjes, duke shikuar edhe rezultatet e tjera. Shpresojmë të bëjmë diçka të veçantë, por para ndeshjes nuk ka kuptim të flasësh për lllogari.
Javën e kaluar thashë që klubet italiane kërkojnë një barazim, por futbolli italian shkon përtej kësaj. Ata janë të mirë në mbrojtje, por sonte nuk mendoj se do të përballemi me klasijen e skuadrave italiane: Interi është ndër më të mirët në Evropë dhe është një nga pretendentët për të fituar Ligën e Kampionëve. Ata kanë statistika të rëndësishme në anën e tyre dhe janë shumë të fortë në sulm. Unë e kam stërvitur Marcus Thuram në Gjermani dhe ai në Itali po ecën shumë mire. Por Inter mendoj se ka edhe lojtarë të tjerë themelorët. Është e vështirë të mundësh një ekip kaq të fortë, por duam të tregojmë vlerën dhe guximin tonë”.
Maghnes Akliouche, sulmuesi i Monakos:
“Bëra vështrimin tim të parë rreth e përqark San Siros për disa minuta. Do të thoja se ishte vërtet mbresëlënëse dhe si për mua ashtu edhe për Monacon, shpresoj me të vërtetë që ne të mund të bëjmë diçka të madhe në këtë stadium. Shpresoj që të ketë një atmosferë të mrekullueshme në sfidën e sotme. Roli im është ai i një lojtar sulmues, që të arrij të shërbej asiste dhe të shënoj sa më shumë gola. Do të përballemi me një nga skuadrat më të mira në Evropë, por ne do të përpiqemi të fitojmë pavarësisht kundërshtari që na pret”.
