Lautaro Martinez gjatë këtij sezoni ka qenë në qendër të vëmendjes nga klube të mëdha dhe konkretisht është Barcelona që interesohet për argjentinasin. Katalanasit e shohin atë si pasardhësin e denjë të Luis Suarez në Camp Nou. Mirëpo, për të ardhmen e 22 vjeçarit, vetëm pak ditë më parë kë qenë presidenti i Interit, Steven Zhang, i cili ka bërë me dije se Lautaro do të qedrojë tek Interi dhe se kjo nuk ka asnjë diskutim. Mirëpo, së fundmi, është edhe zv/presidenti I zikaltërve, Javier Zanetti, që ka mabjtur të njëjtën linjë me Zhang, duke shpresuar se Lautaro do të jetë e ardhmja e 18 herë kampionëve të Italisë. “Lautaron e shikoj të lumtur në stërvitje me pjesën tjetër të skuadrës. Uroj që ai të jetë me ne. Përpara se të firmosnim me të, e kemi ndjekur prej kohësh dhe ai ishte lojtari më premtues në Argjentinë. Ky djalosh është pjesë e Interit dhe kam shumë besim në të”, ka mbyllur 46 vjeçari.
