“Salzburg është një skuadër që unë e admiroj shumë. Ata janë një ekip i mbushur me plot të rinj dhe që kanë arritur rezultate të shkëlqyera, diçka që jam i bindur se do përpiqen ta vërtetojnë edhe sonte.
Megjithatë, ne jemi në një moment të mirë, kështu që them se kemi një mundësi të artë për të fituar në këtë transfertë dhe të kthehemi me 3 pikë në shtëpi. Duke marrë shkas nga paraqitja sonë një javë më parë në Champions League, kam bindjen se diçka të tillë, futbollistët e mi do të përpiqen ta përsërisin edhe sonte.
Fakti që luajmë në Champions League, është mjaftueshëm për të thënë se futbollistët janë të motivuar në maksimum. Të gjithë duan të bëjnë mirë. Jo vetëm ata që do të zbresin që nga minuta e parë, por edhe ata që do të aktivizohen nga stoli.
Adrenalina është e lartë në mbrëmje të tilla, por duhet të qëndrojmë me këmbë në tokë, sepse e dimë mirë edhe forcën e kundërshtarit. Duhet të kemi besim në aftësitë tonë, por gjithashtu duhet të tregojmë durim, sepse ndeshja do të jetë e gjatë dhe herë-herë ndoshta do të na duhet të vuajmë në fragmente të caktuara.”
