Me dygolëshin kundër Heidenheim, Patrik Schick bëri rikthimin e pritshëm pas golit në Lisbonë – duke barazuar një rekord: asnjë lojtar i huaj nuk ka shënuar më shumë gola për Bayer 04.
Schick hapi rezultatin me të majtën e fuqishme që e dërgoi topin në këndin e poshtëm në të djathtë. Sa i përket teknikës së finalizimit, 30-vjeçari është pothuajse i pakonkurrueshëm. Qoftë me këmbë apo me kokë, Schick është një “snajper” i vërtetë.
Goli i dytë i Schick në fitoren 6-0 ndaj FC Heidenheim erdhi si rezultat i instinktit të pashtershëm për gol – një cilësi që karakterizon çdo sulmues të madh.
Me dygolëshin e tij në kampionat dhe golin vendimtar si zëvendësues në fitoren 1-0 ndaj Benfica-s në Ligën e Kampionëve të mërkurën, Schick ka bërë një rikthim të shkëlqyer, pas një periudhe mungese për shkak të një dëmtimi në kofshë në fund të Shtatorit. Gjatë kësaj kohe, ai pa se si i riu Christian Kofane (19) shfrytëzoi mundësinë për t’u afirmuar.
Kofane u paraqit aq mirë, sa Schick tashmë nuk është më sulmuesi i padiskutueshëm dhe duhet të luftojë për vendin e tij në formacion. Këtë e tregoi qartë trajneri Kasper Hjulmand në Lisbonë, kur vendosi ta niste ndeshjen me danezin e ri në vend të Schick.
