“Kapitulli i çështjes së parë tashmë është i mbyllur dhe duhet ta përqendrojmë të gjithë vëmendjen në takimin e mbrëmjes së sotme. Përballë do të kemi një kundërshtar të vendosur dhe mjaft agresiv, i cili do kërkojë me patjetër një rezultat pozitiv. Pas nesh kemi mbështetjen e publikut dhe padyshim që ky është një motivim më tepër për ne, sepse e dimë sa të rëndësishëm janë tifozët në mbrëmje të tilla. Sonte kemi një mundësi të mirë për të vazhduar serinë e rezultateve pozitive dhe t’i japim një bonus të mirë vetes në rrugën drejt kualifikimit për në raundin tjetër të Champions League. Jemi një skuadër që po kalojmë një moment të mirë, por kemi nevojë për ta rritur ende nivelin. Duhet të tregohemi kompetitivë gjatë gjithë kohës. Zotërojmë kapacitetin për t’u ngjitur në një tjetër shkallë. Në aspektin personal ndihem mjaft mirë. Kam besimin e trajnerit dhe kjo është diçka e jashtëzakonshme për mua. Dua të jem gjithmonë në ndihmë të shokëve të skuadrës dhe ky aspekt taktik është i vlerësuar nga të gjithë”.
