“Kjo është një ndeshje speciale, edhe prej faktit se unë jam në këtë detyrë prej pak kohësh. E kuptoj se ndeshja është shumë e rëndësishme për skuadrën tonë. Fitimi i ‘Champions League’-ës është objektivi kryesor i klubit. Kemi disa mungesa dhe lodhje fizike nga angazhimi i shpeshtë. Këto janë kushtet me të cilat vijmë në këtë sfidë, por do të jemi gati për të dhënë më të mirën. Jam vërtet i qetë në lidhje me këtë gjë. Skuadra është ndryshe nga ajo që ka qenë më parë dhe mendoj se po ndërtoj diçka speciale me këtë grup lojtarësh. Ne mezi e presim ta luajmë këtë ndeshje. Do të japim gjithçka për të fituar. Tek ne, atmosfera është e mrekullueshme dhe e shoh ekipin më të bashkuar se kurrë. Këto janë elementë të rëndësishëm, që na ndihmojnë t’i bëjmë gjërat si duhet. Duam të shkruajmë historinë e klubit, por për këtë na pret një rrugë e gjatë.”
