Pascal Bosschaart (trajner i Fejenord):
“Dua të vazhdoj të luaj futboll tërheqës, t’i vendos të gjithë në një nivel të lartë dhe të marr rezultate. E konsideroj një nder të madh që klubi më ka besuar drejtimin pas largimit të trajnerit të mëparshme, Priske. Di të them se do të bëj gjithçka që mundem për ta bërë sa më mire detyrën që më është caktuar nga ana e drejtuesve të klubit. Bëmë një stërvitje të mirë në seancën e parë që kreva me skuadrën. E shijuam gjithcka dhe lojtarët zbatuan me përpikmëri atë se cfarë u kërkova. Ndonëse di të them se përgatitja për këtë sfidë kundër Milanit në shtëpi kishte filluar prej kohësh.
Unë nuk jam dikush nga ata, që do të ndryshoj gjithçka në minutën e fundit, duke krijuar më shumë paqëndrueshmëri. Pak a shumë, do të vijoj të eci në rrugën e paraardhësit tim”.
Quinten Timber, mesfushori i Feyenoord:
“Përgjegjësi konsiderohet gjithmonë trajneri. Por edhe ne gjithashtu duhet të shikojmë në pasqyrë. E të pyesim veten se çfarë mund të bëjmë më mirë si lojtarë? Pastaj mund të ecim përpara së bashku si ekip. Si lojtar dhe si skuadër duhet të vazhdojmë punën, sepse ndeshja tjetër po vjen shumë shpejt. Në fund të fundit duhet të eci, përpara dhe të reagojmë. Ndaj Milani kemi një shans të mirë për këtë. Gimenez? Unë i di cilësitë që ai ka. Përveç kësaj, ai është gjithashtu një djalë i mrekullueshëm dhe ka filluar mirë te Milani. I uroj atij çdo të mirë, përveç dy ndeshjeve të ardhshme…”.
Sergio Conseisao (trajner i Milan):
“Është një ndeshje e veçantë dhe e rëndësishme për të gjithë, aq më tepër që e luajmë në Holandë. Jemi këtu në play-off për shkak të defekteve tona. Por ne e marrim këtë përgjegjësi dhe duam të fitojmë sonte. A do të luaj më katër sulmues? Kam më shumë se 4 kampionë në dispozicion… Gjithsesi, të katërt janë në listë dhe do të shohim se çfarë do të ndodhë. Unë i llogaris të gjithë. Në fakt nuk është se kemi shumë zgjidhje. Mes dëmtimesh, pezullimesh e atyre të mbetur jashtë listës Champions, janë vetëm 14 lojtarë, plus Camarda dhe Bartesaghi. Por ja që ne trajnerët duhet të gjejmë zgjidhje. Synojmë të bëjmë sa më mirë. Punojmë për ekuilibrin. Nuk është se të kesh shumë lojtarë sulmues të bën të shënosh më shumë gola dhe nëse ke shumë mbrojtës, nuk pëson gol. Ka shumë momente loje dhe ne kemi nevojë për këtë ekuilibër.
Santi Gimenez? Eshtë një lojtar që e kam ndjekur prej vitesh. Të gjithë ne në futboll evoluojmë ditë pas dite. Ai është i ri dhe ka një rrugë të gjatë për të bërë. Por që tani ai është një lojtar i nivelit të lartë. Mund të them se ka cilësinë për të përfunduar aksionet, që skuadra krijon. Leao? Eshtë i disponueshëm, në Empoli ka qenë zgjedhja ime që të mos e fillojë me titullarët, por më pas ai hyri mirë dhe e bëri punën e tij. Eshte gati, por për momentin nuk mund të them nëse do të luajë”.
Tijani Reijnders (lojtar i Milan):
“Giménez? I gjithë grupi po e ndihmon atë. Unë personalisht dua të bëj më të mirën time, të jem i rëndësishëm me asiste dhe gola. Të gjithë jemi të fokusuar te ndeshja dhe ta bëjmë gjithcka hap pas hapi. Mundohem të bëj më të mirën në pozicionin tim dhe të qëndroj në formë. Për është mirë të rikthehem në Holandë. Familja ime do të jetë gjithashtu në stadium, kështu që do të jetë edhe më e veçantë. Është një ndeshje shumë e rëndësishme, e para në play-off. Ne donim të ishim ndër tetë të parët. Fatkeqësisht nuk ia dolëm mbanë, por ne duam të vazhdojmë rezultatet tona pozitive”.
