José Mourinho nuk është më në stolin e Fenerbahce. Klubi turk vendos ta shkarkojë 1 vit pas emërimit dhe dy ditë nga eleminimi që Benfica i shkaktoi në raundin play-off të “Champions League”. I mbiquajtur “Special One”, portugezi nuk fitoi asnjë trofe me Fenerbahce që për të dytin sezon rradhazi nuk merr pjesë në kompeticionin më të rëndësishëm për klube. Sezonin e shkuar u rendit nën vendin e dytë, 11 pikë nga Galatasaray. Ndërsa në “Europa League 2024/2025” u eleminua në 1/8 nga Rangers. Kupën e Turqisë nuk e vazhdoi dot më tej se ¼ finalet. Ky është shkarkimi i 3 rradhazi dhe i 7 në total në karrierën e Mourinho-s. Më herët e bënë Manchester United (në 2018), Tottenham (në 2021) dhe Roma (në 2024). Nga 7 shkarkimet ai ka përfituar më shumë se 100 milionë euro për ndërprerjen e kontratës. Në krye të Fenerbahce, Jose qëndroi 62 ndeshje ku fitoi 37, barazoi 14 dhe humbi 11 të mbeturat. Sipas shtypit tur kai do të përfitojë 9 milionë euro për kontratën e tij dhe 6 të tjera për stafin
