Mbrojtësi i Midtjylland, Andre Romer, ka pranuar se Memphis Depay i Manchester United është lojtari më i mirë ndaj të cilit ai ka luajtur.
Romer ishte viktimë e një performance të një niveli spektakolar nga holandezi Memphis Depay.
Lojtari holandez ka arritur që të shkëlqejë për herë të parë pas transferimit, dhe mbrojtësi i klubit jo shumë të njohur danez pranon se ishte i demoralizuar pasi kishte punë me Depay, shkruan Telegrafi.
“Unë kurrë nuk kam qenë më afër që të qaj pas një ndeshje se sa ndaj Unitedit”.
“Memphis është lojtari më i mirë ndaj të cilit kam luajtur. Ishte e vështirë që të bëj diçka ndaj një lojtari të tillë”.
“Ai është më i miri. Ai mund të bëjë çka do. Ai hyri në zonë, luante jashtë saj, më sillte përreth dhe më tejkaloi një herë në mënyrë të pabesueshme”, u shpreh Romer.
