“Niveli i kundërshtarit që do të kemi përballë në këtë mbrëmje, është tërësisht ndryshe nga niveli që jemi mësuar në kampionat. Këtë duhet ta respektojmë dhe të kuptojmë që rivali ynë do jetë një skuadër mjaft e mirë si Benfica, që në përbërje ka një ekip me mjaft kualitet në çdo repart. Sonte duhet të tregojmë modelin më të mirë të vetes, të tregohemi konkurues në çdo aspekt. Është e nevojshme që të bllokojmë çdo hapësirë që Benfica do tentojë që depërtojë.
Pavarësisht gjithçkaje, pavarësisht se në anën tjetër të fushës do jetë një kundërshtar me cilësi më të mira sesa ne, kjo nuk duhet të na frikësojë. Madje, duhet të ndodhë krejtësisht e kundërta. Nuk duhet të luajmë me frikë, apo me presion, sepse në fund të fundit, nuk kemi asgjë për të humbur.
Do e përqendrojmë të gjithë vëmendjen në forcat tona dhe do përpiqemi ta dëmtojmë kundërshtarin me mundësitë që do krijojmë. Në javët e fundit kam parë një përmirësim dhe një rritje të nivelit të skuadrës, kështu që kemi besim.”
