Edicioni i parë i Fazës së Ligës në UEFA Champinos League, po rezulton më spekatkolar nga sa mund të pritej. Pasi ka kaluar gjysma e rrugës së kësaj faze, interesant është fakti se renditja është gati-gati pragmatiste. Pak kush mund të kishte menduar që pjesë e tetëshes së parë, nuk do të ishin skuadra si Real Madrid, Bayern Munich, Milan, apo edhe Manchester City. Ekipet në fjalë, janë të shpërndara në renditje, nga vendi i 9, e deri në të vendin e 24.
Kurse në pozicionet e para të kryes, klasifikohen ekipe surprizë si Monaco, Atalanta, apo Bayer Leverkusen, kurse mungojnë peshat e rënda. Madje, në limite të tetëshes së parë është edhe Brest, që patjetër mund të cilësohet si surpriza më e madhe e këtij sezoni në Champions League. Në sezonin e tyre debutues në skenën më të madhe të futbollit të klubeve, francezët kanë mundur të marrin 10 pikë në 5 ndeshjet e para dhe mundësia për të kaluar direct në fazën me eliminim, është ende në tavolinë, kurse kualifikimi nëpërmjet play-off, duket thuajse i sigurt, ndonëse nuk është ende zyrtar.
Një vlerësim duhet treguar gjithashtu edhe për Monacon, që në javën e pestë, pësoi humbjen e parë. Gjithësesi, ekipi nga principata, ka 10 pikë në klasifikim dhe është tërësisht në garë për të shkuar në tetëshe.
Vlen të përmendet edhe rikthimi i Benficës, që në javën e pestë, mposhti pikërisht Monacon. Portugezët vinin nga dy humbje të njëpasnjëshme, ndërsa tani kanë shkuar në kuotën e 9 pikëve, kështu që edhe kanë të drejtë të shpresojnë që të shmangin fazën play-off, por të kualifikohen direct në fazën em eliminim të Champions League.
Çudi e madhe e Fazës së Ligës, është gjithashtu edhe Real Madrid, që në 5 ndeshje, numëron vetëm 6 pikë. Los Blancos kanë pësuar 3 humbje, dy prej të cilave janë radhazi. Si pasojë, kampionët në fuqi të kompeticionit, renditen në vendin e 24, që është njëkohësisht edhe vendi i fundit që të dërgon në fazën play-off.
Një tjetër habi e kësaj faze është edhe forma e dobët e PSG, që në 5 javë, ka vetëm 4 pikë dhe gjendet në vendin e 26, dy pozicione më poshtë fazës play-off. Pastaj, në fund, ndër skuadrat e vetme që nuk kanë marrë asnjë pikë deri më tani, janë Slovan Bratislava, Young Boys, dhe Leipzig.
