Brendan Rodgers (trajner i Celtic):
“Bayerni është një nga gjigantët e futbollit evropian, ata me të vërtetë janë mbretëria e futbollit për sa i përket asaj që kanë arritur në histori, prej shumë vitesh në këtë nivel. Kështu që fakti që ne jemi në një pozicion për t’i sfiduar ata është një arritja e madhe. Ajo që më jep besim është mënyra se si ne kombinojmë lojën tonë, me fuqinë tonë të vrapimit dhe formën tonë fizike, gjë që e kemi përmirësuar me të vërtetë në këtë nivel. Unë mendoj se me energjinë dhe mbështetjen që do të kemi pas nesh nga tifozeria, gjithçka është e mundur edhe në këtë sfidë të vështirë. Ajo çka është e rëndësishme për ne, është që duhet të bëjmë c’mos për të qenë të gjallë dhe ende në lojë, për ndeshjen e kthimit kur shkojmë në Gjermani. Ky është një mesazh kyç që dua t’ia përcjell skuadrës. Ne duam të shkojmë dhe të zbresim në fushë për të dhënë më të mirën tonë, pa pasur frikë që të humbasim. Unë jam i bindur se mund të bëjmë një paraqitje të mirë, ashtu siç kemi treguar në këtë kompeticion, veçanërisht nëpër ndeshjet në shtëpi.”
Auston Trusty (mbrojtes i Celtic):
“Të luaj në Champions League për Celtic është padyshim dicka shumë e mrekullueshme! Si një fëmijë i vogël. që u rrit në Pensilvani, për mua është një ëndërr e madhe e realizuar, fakti që kam këtë mundësi të jem këtu, duke luajtur për Celtic… për më tepër kundër Bayernit të Mynihut. Madje edhe me mbështetjen e tifozëve të magjishëm, që do të ndezin atmosferën në mënyrë të zjarrtë. Harry Kane? Unë kam luajtur edhe kundër lojtarëve të tjerë të klasit të lartë. Por si një mbrojtës, i pret me padurim këto sfida, në të cilat dëshiron të provosh veten, edhe një herë tjetër”.
Vincent Kompany (trajner i Bayern)
“Celtic ka një traditë të madhe në Ligën e Kampionëve. Ne do t’u japim atyre respektin që meritojnë, por nga ana jonë, gjithashtu mund të them se jemi një ekip i madh, që si gjithmonë synon të fitojë. Për sa kohë që e kuptojmë se sa e madhe dhe sa e rëndësishme është kjo lojë, ne duam të luajmë më së miri. Si kjo e sotmja, edhe ajo e pas një jave, do të jenë dy ndeshje të vështira.
POr më e rëndësishmja është që ne të avancojmë në fazën tjetër. Për këtë do të bëjmë gjithcka të mundshme!
Sigurisht që do të jetë e veçantë për ne, por po ashtu edhe për tifozët. Celtic Park, në përvojën time, ka qenë një nga stadiumet më të zhurmshme, ku kam luajtur ndonjëherë. Edhe ne do të mund të shijojmë atmosferën. Këto lloj ndeshjesh janë të veçanta, ato janë mundësi të shkëlqyera për të ndjerë diçka shumë speciale. Jam i lumtur t’i jetoj këto momente dhe do të jetë një natë e mrekullueshme e Champions League!”.
Manuel Neuer (portier i Bayern):
“Celtic luan mirë dhe është një ekip i mire, mjaft agresiv. Ne duhet të thyejmë presionin e tyre, duhet të përpiqemi të luajmë futbollin tonë sulmues. Kjo fillon me ndërtimin e lojës, gjë për të cilën ne duhet të jemi të zgjuar. Celtic nuk i pëlqen të luajë pa top, kështu që ne duam të ndërtojmë lojën sulmuese sa më mirë që të jetë e mundur drejt zonës së Celtic, duke krijuar shanse për gol.
Kam folur me Thomas Müller për ndeshjen e vitit 2017 këtu. Ai më tregoi për atmosferën mbresëlënëse. Mezi po pres të zbres në fushën e gjelbërt! Duke ditur historinë e futbollit dhe historinë që ka shkruar Celtic, është diçka e veçantë për mua të luaj në një stadium të tillë”.
