Megjithëse ka vetëm 8 muaj në kontratë, trajneri i Bayern Munich, Vincent Kompany, nuk dëshiron të humbasë një mbrojtës me përvojë gjatë merkatos së dimrit. Bayern nuk bëri ndonjë lëvizje të rëndësishme transferimesh në dritaren e dimrit të kaluar. “Die Roten” u fokusuan në rinovimin e kontratave të Alphonso Davies, Joshua Kimmich dhe Jamal Musiala gjatë Janarit 2025.
Merkato e dimrit të ardhshëm, në fillim të vitit 2026, pritet të jetë e ngjashme për Bayernin. Skuadra aktualisht është relativisht e vogël, por situata do të përmirësohet pas pushimeve dimëror, pasi lojtarët e dëmtuar – Alphonso Davies, Jamal Musiala dhe Hiroki Ito – pritet të jenë gati për pjesën e dytë të sezonit.
Sa i përket transferimeve, 4 lojtarë do të jenë të lirë të bisedojnë me klube të interesuara për largime të mundshme si lojtarë të lirë. Dayot Upamecano është ende në bisedime me “Die Roten” për një kontratë të re. Leon Goretzka dhe Serge Gnabry nuk kanë ndërmend të largohen nga Mynihu në mes të sezonit; të dy janë të prirur të rinovojnë qëndrimin e tyre te Bayern.
Raphael Guerreiro është lojtari i katërt që mund të nisë bisedimet me klube të tjera gjatë dimrit. Mbrojtësi portugez është lidhur së fundmi me Juventus-in. Duke pasur parasysh aftësitë, përvojën dhe pozicionet e shumta që ai mbulon, pritet që edhe klube të tjera evropiane të shfaqin interes.
Megjithatë, sipas TV gjerman, Vincent Kompany nuk ka ndërmend të ndahet me Guerreiro-n në Janar. Trajneri belg e konsideron shumë të rëndësishme lojtarin portugez për periudhën e ngarkuar në pjesën e dytë të sezonit.
